• Саше Љолес
Лони Вокер и Вил Клајбурн ја поделија МВП наградата за 15. коло од Евролигата, откако двајцата остварија идентичен индекс на корисност – 33, највисок во ова коло.
Вокер одигра натпревар за паметење во победата на Макаби над АСВЕЛ со 92-84. Американецот постигна 29 поени, имаше девет скока и една асистенција, покажувајќи лидерска улога и голема ефикасност во нападот.
Од другата страна, Клајбурн беше клучна фигура во триумфот на Барселона против Олимпијакос со 98-85. Тој го заврши мечот со 28 поени, три скока, две асистенции, три украдени топки и една блокада, со значаен придонес на двата краја од теренот.
Поради изедначениот учинок и идентичниот индекс на корисност, Евролигата одлучи наградата за најкорисен играч на колото да им припадне на двајцата кошаркари.
