• Саше Љолес
Францускиот Монако е во големи финансиски проблеми, но очигледно сака по секоја цена да игра во едно од силните европски натпреварувања. Според информациите, клубот веќе стапил во контакт со раководството на АБА лигата и е подготвен да плати 500.000 евра за специјална покана.
Сепак, реализацијата на идејата ќе биде тешка бидејќи ждрепката за новата сезона веќе е направена. Доколку Монако биде примен, АБА лигата би морала да има 21 клуб и повторно да го менува системот на натпреварување пред почетокот на сезоната.
Официјално, АБА лигата за сезоната 2026/27 моментално е составена од 20 екипи. Затоа, шансите Монако веднаш да се приклучи се мали, но не и целосно исклучени.
Тимот од кнежевството во моментов води правна битка за да спречи испаѓање во трет ранг во Франција, а исто така може да го загуби и своето место во Еврокупот.
