Младиот Брони Џејмс се враќа на кошарката по операцијата на срцето

Брони Џејмс, синот на славниот кошаркар Леброн Џејмс, закрепнува успешно по операцијата на срцето и многу наскоро се очекува неговото враќање на терените. 

Младиот Брони доживеа срцев удар пред крајот на минатата сезона и не се знаеше дали ќе може да продолжи со кошарката, но сега конечно за него и неговото семејство доаѓаат добри вести и тој наскоро ќе се приклучи на неговиот универзитетски тим, УСЦ. 

„Брони ќе ни се приклучи следната недела и ќе започне со полесни тренинзи. Се надеваме дека ќе успее целосно да закрепне и наскоро го очекуваме во првиот тим“, изјавија претставници од лекарскиот тим на УСЦ. 

Леброн Џејмс е пресреќен од враќањето на неговиот син и за медиумите изјави дека ќе оди на првиот негов натпревар, макар и по цена да пропушти еден натпревар со своите Лос Анџелес Лејкерс. Сонот на Леброн беше еден ден да заигра со својот син во НБА лигата, па останува да видиме дали тоа може да се случи во следните две години. 

Најнови вести од
НБА, САД