• Иван Димовски
Кошаркарите на Минесота Тимбервулвс славеа на гостувањето кај Голден Стејт Вориорс (110-117) и поведоа со 3-1 во четвртфиналната серија во НБА лигата. Вреди да се напомене дека Вориорси повторно беа без првата ѕвезда и апсолутно најдобар играч Стеф Кари.
- Голден Стејт Вориорс - Минесота Тимбервулвс:
Средбата во Сан Франциско понуди израмнет прв дел, а потоа Тимбервулвси се наметнаа и направија разлика со одличен трет период. Иако „воините“ имаа добра завршница, не успеаја да направат кам-бек. Џулиус Рендл со 31 и Ентони Едвардс со 30 поени ја предводеа Минесота до победата. Во Голден Стејт се истакна Куминга со 23, додека по 14 уфрлија Батлер и Грин.
До трета победа во серијата стигна и Њујорк кој го доби класикот со Бостон со 121-113. Никси првпат го искористија домашниот паркет, па по минатиот меч на кој Селтикси направија брејк стекнаа одново предност од две победи.
- Њујорк Никс - Бостон Селтикс:
Овие две серии сега се селат во Бостон, односно Минесота. Следните натпревари се на програмата ноќта меѓу среда и четврток.
