ВИДЕО: Милвоки падна во Бостон, Морант блесна и го сруши Голден Стејт

Ноќва во НБА лигата се одиграа две средби, а истите беа искористени од домаќините за да ги израмнат сериите на 1-1 против фаворизираните ривали. 

Кошаркарите на Бостон Селтикс славеа во дуелот со Милвоки Бакс (109-86), со што ги израдуваа своите фанови во „ТД Гарден“. Иако шампионот направи брејк во првиот натпревар, немаше сили за нов подвиг и убедливо беше поразен во Бостон. Дуелот беше целосно едностран, Селтикси имаа константна предност која беше висока и Бакси немаа што да бараат резултатски. 

  • Бостон Селтикс - Милвоки Бакс:

Џејлен Браун ги предводеше поентерите со триесет, додека Џејсон Тејтум уфрли еден помалку. Во таборот на бранителот на тронот, стандардно најдобар беше Јанис Антетокумбо со 28 поени, на кои надоврза и девет скока. 

До израмнување во серијата дојде и Мемфис во пресметката со Голден Стејт (106-101). Гризлис, предводени од Џа Морант, успеаја да до надиграат фаворитот и запишаа огромна победа пред својата публика во „ФедЕксФорум“. 

Младиот плејмејкер беше на прагот од „трипл-дабл“, уфрли неверојатни 47 поени, а надоврза по осум скока и асистенции. Од друга страна, Стеф Кари беше најдобар во Вориорси со 27 поени, девет скока и осум асистенции. 

Серијата на овие ривали сега се сели и ќе продолжи во Милвоки и Сан Франциско.