• Саше Љолес
Словенечкиот репрезентативец, Џош Нибо, официјално ја заврши својата етапа во Макаби, соопшти управата на „израелската гордост“.
Високиот кошаркар не сакаше да го продолжи договорот, а италијанските медиуми веќе објавија дека Нибо е нов соиграч на нашиот Ненад Димитријевиќ во Олимпија Милано.
26-годишниот Нибо е роден во САД, а пред да игра за Макаби настапуваше за Жалгирис Каунас и Хапоел Елијат. Минатата сезона во Евролигата просечно бележеше 11,2 поени и 7,1 скок по натпревар.
Неодамна доби словенечки пасош и можно е да настапува за „змајчеки“ на претстојните Олимписки игри во Париз.
