• Горан Упале
Кошаркарите на Атланта Хокс се вратија на негативен скор во НБА лигата, откако на домашен терен загубија од Мемфис Гризлис со 123-119.
Џа Морант се врати во стартниот тим по тешките проблеми кои ги имаше надвор од теренот и во шестата последователна победа на Гризлис забележа 27 поени, три скока и шест асистенции, а го следеше Дезмонд Бејн со 25 поени и пет асистенции.
Тре Јанг беше најдобар кај Хокси со 28 поени и 10 асистенции, Клинт Капела имаше 18 поени, 16 скока и четири скока, додека Богдан Богдановиќ даде 10 поени, со по два скока и асистенции.
Во многу важен натпревар за исходот од битката за плеј-офот на Западот, Минесота го победи Голден Стејт на гостински терен со 99-96, а блескаше Рид со 23 поени и шест скока. Руди Гобер постигна 10 поени и 18 скока, а Карл-Ентони Таунс заврши со 14 поени.
Стеф Кари промаши тројка од тешка позиција за продолжение, но беше одличен во таборот на Вориорси со 20 поени, шест скока и девет асистенции, додека најефикасен беше Џордан Пул со 27 поени.
И без Џејсон Тејтум, Бостон Селтикс го декласира Сан Антонио со 137-93. Џејлен Браун беше најефикасен со 41 поен, Малколм Брогдон даде 20 поени, а Дерик Вајт беше автор на 19 поени. Зак Колинс постигна 21 поен за Спарси.
Со 29 поени на Ануноби и 28 на ВанВлит, Торонто го победи Вашингтон со 114-104, а за Визардси, Кристапс Порзингис постигна 26 поени, Кисперт даде 19, а Дени Авдија 15 поени со девет скока и седум асистенции.
