Европско Првенство

Американскиот кошаркар со турски пасош, Шејн Ларкин, официјално објави дека става крај на својата репрезентативна кариера. Плејмејкерот на Анадолу Ефес пред седум години доби турско државјанство и од тогаш беше едно од најпрепознатливите имиња во националниот состав.

Турција долго време беше во предност во финалето на Евробаскетот, но попушти во финишот и ѝ го предаде трофејот на Германија.

Илјадници фанови ја пречекаа германската кошаркарска репрезентација денес во Франкфурт, откако „панцирите“ синоќа ја освоија титулата на Европското првенство. Германците славеа над Турција со 88-83 во финалето на Евробаскетот во Рига, станувајќи европски шампион по втор пат во историјата.

Кошаркарот на германската репрезентација и еден од лидерите на тимот, Франц Вагнер, изрази огромно задоволство од освоената европска титула на „панцерите“, но се осврна и на првиот фаворит за златниот медал пред почетокот на првенството - а тоа е селекцијата на Србија.