АБА2 лига

Кошаркарите на ТФТ Скопје ѝ гостуваат на Јахорина во последното коло од регуларната сезона во АБА2 лигата. На овој натпревар за скопскиот тим победата е императив ако сакаат да играат плеј-оф, а тоа го посочи и македонскиот репрезентативец Тома Стојановски.

Koшаркарите на ТФТ Скопје ја забележаа третата победа во низа во АБА2 лигата која беше потврда на одличната форма и пласманот во плеј-офот во второлигашкото друштво. Во Скопје македонскиот тим го декласира Студент М-тел со 107-79. и застана на делба на третата позиција на табелата. На едно коло од крајот на лигашкиот дел, ТФТ е безбеден во плеј-оф зоната и ќе игра четвртфинале за пласман во елитата. 

Кошаркарите на МЗТ Скопје го играат седмиот дуел од АБА 2 лигата, а противник им е екипата на Подгорица Бемакс од Црна Гора. Тренерот Васко Атанасов е свесен за важноста на средбата за понатамшниот тек на сезоната во второто јадранско друштво, тоа го потенцира како увертира на мечот.

Кошаркарите на ТФТ Скопје ја остварија четвртата победа во АБА 2 лигата, втора во низа, овој пат над екипата на Слобода Дита Тузла со конечен резултат 96-91. Македонскиот претставник добро се испоти за да дојде до посакуваната цел и мораше да одигра дополнителни пет минути, откако во регуларното време резултатот гласеше 81-81.