• Зоран Мишевски
Инцидент и тепачка го одбележаа натпреварот помеѓу Орландо Меџик и Минесота Тимбервулфс. Остин Риверс и Мо Бамба се пресметаа во боксерски дуел, а брзо им се приклучија и останатите кошаркари од двата тима.
Петмина исклучени кошаркари е епилогот на неколку минутната тепачка среде натпревар. Риверс, Мекданиелс и Принс од Минесота и Бамба и Џејлен Сагс од Орландо добија исклучувалки лични грешки и ги чекаат големи казни. Тимот од Флорида славеше со 127-120, а најдобар во победничкиот тим беше Антони Кол со 20 поени.
Austin Rivers and Mo Bamba got into an altercation on the court.
Five players were ejected from the game. pic.twitter.com/TbhF9JV5xa
— SportsCenter (@SportsCenter) February 4, 2023
Атланта ја совлада Јута сo 115-108, што е нивна прва победа на гостински терен во последните четири натпревари. „Јастребите“ забележаа дури 28 асистенции, додека „џезерите“ се мачеа со тројки, погодувајќи 13 од 44 обиди.
Тимот од Колорадо доминираше во првото полувреме и имаше водство од 60-38. Јута се врати подоцна во натпреварот, на 3:17 минути до крајот, се доближи на 106-101, но не можеше повеќе, бидејќи Тре Јанг со тројка донесе помирна завршница за Атланта. Тој беше најефикасен во победничкиот тим со 27 поени и шест асистенции. Богдан Богдановиќ постигна осум поени, а имаше и шест асистенции и шест скока, заедно со една блокада.
