Македонија

Првиот семинар од втората генерација на Едукацијата за тренери која ја спроведува Кошаркарската федерација на Македонија ќе се одржи претстојниот викенд, во конгресната сала при спортскиот центар „Борис Трајковски“, како и во големата сала на СРЦ „Кале“ во Скопје.

Последното деветто во оваа календарска година во Првата женска кошаркарска лига не ги измени состојбите на врвот. Со оглед на тоа дека кошаркарките на Вардар својот натпревар (против Крива Паланка), ќе го одиграат нешто подоцна, пратителите на табелата, Бадел 1862 односно Струга 2009 тоа го искористија и макар за една седмица се искачија на првото место на табелата.

Кошаркарите на Куманово триумфираа на домашниот дуел со Академија ФМП (97-71) во рамките на 11 коло на кошаркарската Прва лига. Кумановчани имаа контрола на резултатот во поголемиот дел од средбата, а ФМП Академија имаше само почетна предност. Со оваа победа домаќинот одржува чекор со водечките три екипи, израмнувајќи се со Работнички и Кожув со по 18 бодови. 

Екипата на Гостивар забележа голема победа во салата „Младост“ и славеше над најтрофејниот кошаркарски колектив Работнички (93-79) во рамки на Првата македонска кошаркарска лига.

Осмото коло од Првата лига во женска конкуренција даде уште една потврда. Дека во конкуренција за највисоките позиции на табелата се три екипи. Освен лидерот, и екипата со максимален ефект-Вардар, тука се само уште екипите на Бадел 1862 и на Струга 2009.

Најтрофејниот македонски кошаркарски колектив, екипата на Работнички, забележа нова победа во Првата лига и на гости во Аеродром кај МЗТ Скопје Уни Банка славеше сигурно (72-89), за седма победа оваа сезона во мак-баскетот.

Кошаркарите на Гостивар дојдоа до важна победа кај Академија ФМП од 67-58 и ја презедоа лидерската позиција пред утрешното дерби меѓу МЗТ Скопје и Работнички. Иако домаќините играа одлично во поголемиот дел од натпреварот, немаа сили и концентрација за разиграните гостиварчани во финишот.

Кошаркарите на Еуро Никел експресно им се вратија на успесите во Првата кошаркарска лига на Македонија, откако по болниот пораз во претходното коло од Куманово, вечерва не дозволија нов неуспех и на убедлив начин го срушија тимот на Вардар со 82-66.

Куманово го победи тимот на Еуро Никел во деветтото коло од кошаркарската Суперлига (86-85). На дуелот одигран во спорската сала Куманово се играше продолжение од пет минути, иако домаќините имаа предност во поголемиот дел од мечот. На крајот повеќе концентрација имаа играчите на Куманово.