Прва лига

Екипата на Работнички одигра крајно возбудлив натпревар против Кожув кој се реши во самиот финиш, а им припадна на центарци (90-84) кои врзаа три победи на домашната сцена и влегоа во посакуван ритам.

По серијата неубедливи партии и порази, кошаркарите на Навико ФМП Академија приредија изненадување и славеа на гостувањето во Гостивар со 90-92. Гостите скоро постојано водеа во „Младост“ и ја продолжија црната серија на гостиварчани, кои на овој натпревар мораа да играат со седум играчи, затоа што Даниел Вензант го напушти клубот поради семејни причини, а Тома Стојановски не настапи поради вирус.

Навивачката група на Работнички, „Сити Парк Бојс“, испрати барање да гостува кај Кожув во Гевгелија, но наиде на стоп поради неможноста за такво нешто.

Кошаркарите на Чаир 20230 го изненадија Пелистер на домашен паркет и славеа со 87-80, во рамките на осмото коло на Првата македонска кошаркарска лига. Одново скопскиот тим покажа дека не се шегува и стана прв тим по МЗТ кој сезонава запиша шест славја во досегашниот дел, а стави крај и на серијата победи на пелистерци во првенството.