• Иван Димовски
Кошаркарската репрезентација на Македонија напредува четири позиции на европската ранг-листа на ФИБА. Во февруарскиот прозорец избраниците на Александар Јончевски загубија дома од Естонија, но потоа успеаја да ја совладаа Полска како гостин и тоа донесе напредок.
„Во 80 минути низ два февруарски натпревари, Македонија водеше 54 минути (20:16 против Естонија и 33:52 против Полска), а успеа да извлече скор од 1-1. Иако веројатно ќе одбереа домашна победа над ривалот за место на ЕП Естонија, повеќе од триумф над квалификуваната Полска, сепак со сигурност добро го прифатија. Едно е сигурно, играта еден-два на Ненад Димитријевиќ и Итан Хап ќе биде полни раце работа за ривалите кога и да се заедно на паркетот“, напиша ФИБА во својот „Power Ranking“.
Што се однесува до ривалите во нашата група, Естонија со двете победи скокна 12 места и сега е десетта, две места зад фаворитот Литванија, додека Полјаците паднаа десет позиции.
Thoughts on Volume 2 of our @LiveSmart #EuroBasket 2025 Qualifiers Power Rankings?
Click below for the full list.
— FIBA EuroBasket (@EuroBasket) February 28, 2024
На челната позиција на најновото рангирање скокна селекцијата на Србија, која го презеде приматот од Франција, па следат Летонија, Грција, Италија, Словенија, Белгија, Литванија, Германија и Естонија во топ десет.
