• Зоран Мишевски
По успешните подготовки и двата контролни натпревари против Швајцарија во Гевгелија, македонската кошаркарска репрезентација се врати во Скопје и почна да го подготвува првиот натпревар од мундијалските претквалификации. Веќе е познат и терминот на првиот од четирите натпревари во групата.
Натпреварот против Романија ќе биде одигран на големиот празник Илинден во салата во Куманово со почеток од 20:00 часот. Ова ќе биде вторпат во историјата нашата репрезентација да игра квалификациски натпревари во овој град, откако првпат настапи таму во 1999 година, во рамките на квалификациите за Европското првенство.
Македонија првиот натпревар како домаќин ќе го одигра на 2 август против Романија, а вториот на 20 август против Унгарија. Во меѓувреме, „црвено-жолтите“ ќе одиграат два гостински натпревари – на 9 август во унгарскиот град Солнок и на 13 август во Орадеа, Романија.
Со оглед на важноста на овие квалификации, изборот на Куманово како домаќински град претставува значаен чекор во враќањето на кошаркарската атмосфера и поддршка надвор од главниот град. Македонската кошаркарска федерација очекува силна поддршка од публиката, со надеж за успешен пласман во следната фаза од квалификациите.
