Македонија е 29. кошаркарска сила во Европа, а 57. во светот

По завршувањето на квалификациските обврски за 2024 година, ФИБА ги објави ранг-листите за европската и светската сцена. 

Македонија напредува една позиција на рангирањето на машките национални селекции во европската зона. Сега сме на 29. позиција со 192,4 бода на „стариот континент“, додека на светскиот ранкинг сме на 57. место. 

Од квалификациските ривали на Македонија најдобро рангирана е Литванија, па Полска пред Естонците кои ни се најблизу. 

Во светскиот поредок водечки е САД пред Србија и Германија, а во топ пет се уште Франција и Канада. Србите успеаја да се искачат на првото место во европското рангирање.