• Мартин Танасковски
Македонскиот репрезентативец Александар Костоски одигра фантастичен натпревар во романскиот плејоф против Стеауа, но за жал неговиот тим Питешти не успеа да ја круниса со победа (90-105).
Костоски на паркетот мина 35 минути и имаше фантастичен ден, постигнувајќи 33 поени, со само две промашувања. Репрезентативецот беше прецизен 9/11 од поле, а двете промашувања беа во шутот за два (4/6). Во шутот за три тој беше непогрешлив (5/5), а исто беше и од линијата за слободни фрлања (10/10). Зад своето име Костоски забележа и два скока и четири асистенции.
Во плејоф-серијата Стеауа има водство од 2-0 против Питешти.
