• Иван Димовски
Бостон Селтикс успеа во „невозможната мисија“ и, кога сите го отпишаа, се врати од 3-0 негатива во финалето на Источната конференција против Мајами Хит. Сега, Селтикси ќе имаат мајсторка на свој паркет, по која ќе биде познат вториот финалист.
Херојската игра на страна, начинот на кој Бостон дојде до финалето е неверојатен. Имено, во последниот натпревар во Флорида, гостинот губеше со 102-101 на три секунди до крајот. Тогаш аут од страна изведе Дерек Вајт, одговорноста ја презеде Смарт и шутна за три поени. Тој не успеа да погоди, но топката падна под кошот и на неа налета Вајт, кој во скок само ја поттурна во обрачот со 0,2 секунди до крајот.
Иако неколку секунди сите беа збунети дали кошот важи и ситуацијата на паркетот и трибините беше чудна, судиите бргу ја потврдија победата на Селтикси.
