• Сашо Поповски
Македонскиот кошаркар Андреј Магдевски запиша солиден настап во новата победа на Плоешти против Сибиу (89-81).
Нашиот репрезентативец доби дваесет минути на паркетот. Минутажата ја искористи за да постигне седум поени, да собере четири скока и да подели исто толку асистенции.
Екипата каде што игра Магдевски стои на деветтата позиција на табелата, со шест победи по 15 одиграни кола.
