• Мартин Танасковски
Лос Анџелес Лејкерс ќе мора да влезат во новата НБА сезона без својот најголем лидер, Леброн Џејмс. Искусниот кошаркар се соочува со повреда на ишијасниот нерв на десната страна, што ќе го оддалечи од паркетот најмалку три до четири недели.
Проблемите со нервот се појавиле уште во текот на подготовките, а медицинскиот тим на Лејкерс одлучи да не ризикува со негово прерано враќање. Планот е Џејмс да ја мине целосната рехабилитација и да биде физички подготвен за поголемиот дел од сезоната, наместо да настапува со ограничен капацитет на стартот.
Иако наполни 39 години, Леброн и понатаму игра на ниво кое ретко се гледа кај кошаркари со толку долга кариера. Минатата сезона имаше просек од 25,7 поени, 7,3 скока и 8,3 асистенции по натпревар.
