• Мартин Танасковски
Кошаркарскиот клуб Лос Анџелес Лејкерс ќе ја почне сезоната ослабен, затоа што Кристијан Вуд реши да направи операција која ќе го оддалечи од терените некое време.
Американските медиуми пренесуваат дека Вуд ќе ги пропушти претсезонските натпревари, како и почетокот на новата сезона во НБА. Тој треба да се врати на терените на почетокот на ноември.
Вуд минатата сезона поради повреда на левото колено одигра 50 натпревари за ЛА Лејкерс во НБА лигата и имаше просек од 6,9 поени и 5,1 скока по натпревар.
Вуд (28) потпиша двегодишен договор со клубот од Лос Анџелес во септември 2023 година. Претходно играше за Далас, Хјустон, Детроит, Њу Орлеанс, Милвоки, Шарлот и Филаделфија.
