• Иван Димовски
Кошаркарската репрезентација на Македонија во февруари ќе го започне главниот квалификациски сегмент за пласман на Евробаскетот во 2025 година. Откако ги минавме претквалификациите, сега на ред е главната квалификациска фаза. За противници Македонија ги доби Литванија, Полска и Естонија.
Денес ФИБА го објави распоредот на натпревари за шесте квалификациски кола. Интересно, слично како и на претходните квалификации, Македонија отвора дома со Естонија, а овој меч може да е меѓу најважните за пласман во следната фаза. Потоа следат гостувања кај Полска, Литванија и Естонија, па домашните мечеви со Полјаците и Литванците.
- Распоред на натпревари во групата на Македонија:
1 коло (23.02.2024)
Македонија - Естонија
Литванија - Полска
2 коло (26.02.2024)
Полска - Македонија
Естонија - Литванија
3 коло (21.11.2024)
Македонија - Литванија
Полска - Естонија
4 коло (24.11.2024)
Литванија - Македонија
Естонија - Полска
5 коло (21.02.2025)
Естонија - Македонија
Полска - Литванија
6 коло (24.02.2025)
Македонија - Полска
Литванија - Естонија
Трите најдобро рангирани екипи одат на Европското првенство. Во групата многу ќе зависи од Полјаците, кои како ко-домаќини се веќе во групната фаза на натпреварувањето, па останува мистерија дали ќе играат со полн состав и сите сили или пак ќе тестираат и воигруваат. Квалитативно, Македонија своето место на континенталниот собир треба да го бара во двомечот со Естонија, како што беше и во претходниот циклус.
