Крстевски: Грузија заслужено победи, жалам што пак не бевме комплетни

Бојан Крстевски беше еден од најискусните во таборот на Македонија на гостувањето во Тбилиси кај Грузија, но ниту тој не успеа да помогне да се избегне пораз (91-70). Грузијците ѝ го нанесоа третиот квалификациски неуспех на Македонија на патот кон Мундобаскетот, а време за одмор нема. 

Самиот Крстевски ѝ честиташе на Грузија за победата и ја анализираше играта на Македонија. 

„Честитки на Грузија за заслужената победа. Не бевме доволно агресивни. Тие најдоа решенија за нашата одбрана и начин да постигнат лесни поени. Ако се согледаат сите работи со младите играчи и без многу играчи, се покажавме добро. Жал ми е што на ниту еден натпревар не бевме комплетни, но тоа е шанса за младите да се докажат“, изјави Крстевски.  

Веќе в недела во Скопје во арената „Борис Трајковски“ ќе се одигра реванш дуелот на двете селекции. Македонија од 20:00 часот ќе ја дочека Грузија со надеж за прв позитивен резултат во овој квалификациски циклус.