• Зоран Мишевски
Возбудлив и максимално неизвесен натпревар викендов одиграа кошаркарките на ЖКК Вардар и на Крива Паланка, во кој на крајот победата ја однесоа гостинките од Крива Паланка (96-98).
Дијани Робинсон реализираше неверојатни 54 поени за екипата на Крива Паланка во дерби дуелот од третото коло против ЖКК Вардар. Капитенот алексовска постигна 15, а другата Американка во гостинската екипа, Меклејни додаде уште толку. Репрезентативката Илина Селцова, која во меѓувреме се врати во „црвено-црниот“ ростер, заврши со 23 поени, другото репрезентативно име во екипата на ЖКК Вардар, Елена Тасевска даде 22 поени, додека капитенот Зафировска и Матие, беа стрелци на по 15 поени.
До трета победа во сезоната дојде и бранителот на шампионскиот трофеј. Баскет Кам немаше никакви проблеми на гостувањето во Кавадарци, каде лесно го победи Пробаскет (89-58).
Тренерот Жаклина Стојановска им даде „одмор“ на стандардните пет, а своите минути ги искористи Ива Дојчинова која дојде до 26 поени, делумно и Ѓуковиќ која додаде 10 поени. Исто толку поени имаше и Кметовска, додека со 12 поени, во гостинската екипа заврши Димова. Во домашниот табор, Стоева постигна 23, а Мегленова уште 16 поени.
Прва А лига (ж)
Трето коло:
Пробаскет – Баскет кам 2011 58-89
ЖКК Вардар – Крива Паланка 96-98
Патриот 2016 – МЗТ Скопје Аеродром 72-62
Слободен: Бадел 1862
Прва Б лига (ж)
Трето коло:
Гостивар 2009 – Пониква 2022 61-37
Јан Бор – Струга 2009 37-76
Спорт тим – Охрид 67-41
Риниа – Шкупи 52-63
