• Саше Љолес
Управата на белградскиот гигант, Партизан, официјално се збогува со Американецот Џејмс Нанели, кој го напушта тимот после две сезони во „црно-белиот“ дрес.
„Му благодариме на Нанели за неговиот придонес во клубот. Тој беше еден од милениците на нашите навивачи и останува неизоставен дел од нашата историја. Џејмс, ти посакуваме многу среќа и од срце ти посакуваме успех во натамошниот дел од кариерата“, стои во соопштението.
Нанели во Партизан одигра феноменални партии, а минатата сезона просечно бележеше 9,5 поени, 2,3 скока и 2,8 асистенции по натпревар.
