• Саше Љолес
Машката македонска репрезентација до 20 години го отвори Европското првенство (Б дивизија) со пораз од соодветната селекција на Холандија (58-78).
Нашите надежи одиграа добро прво полувреме и на паузата заминаа со предност (34-31), но во следните две четвртини комплетно потфрлија и на крајот впишаа повеќе од заслужен пораз.
Имавме проблем со реализацијата на слободните фрлања, а и одбраната не беше на потребното ниво. Противникот се „одлепи“ на недостижни 67-52, по што стана јасно дека поразот е неизбежен.
Најефикасен во нашиот состав беше Ќириловски со 14 поени, Лукановски постигна еден помалку, а солиден учинок имаше и Стојковиќ (девет поени и десет скокови).
