Клиперси го менуваат Џорџ со Симонс од Филаделфија!?

Медиумите во Соединетите Американски Држави тврдат дека екипата на Лос Анџелес Клиперс ќе го растура тимот во пресрет на новата НБА сезона.

Неуспехот во овогодишниот плеј-оф ќе ја натера управата да прави промени. Прв на удар се чини дека ќе биди Пол Џорџ, кој во очите на фановите разочара со своите настапи. 

Многу веројатно е дека тој ќе биде заменет со нова ѕвезда. Се разгледуваат повеќе опции, а последната го сели 30-годишникот во Филаделфија 76ерс, во замена за плејмејкерот Бен Симонс. Кошаркарот на „сиксерси“ е шест години помлад од него и со себе ќе го донесе талентираниот Лендри Шамет. 

Тајрон Лу наводно верува дека на тимот итно му е потребен организатор на играта. Симонс е еден од подобрите во лигата, а со оглед на големиот број шутери во екипата, нема да го има притисокот да поентира од далечина.