• Мартин Танасковски
НБА тимот Феникс Санс активно работи заедно со деловниот партнер на Кевин Дурант за да ги разгледа можностите за евентуална размена на славниот кошаркар, објави ESPN.
Според извештајот, претставници на Санс и извршниот директор на менаџментот на Дурант, Рич Клајман, се сретнале неколку пати во текот на изминатата недела за да разговараат за потенцијалните дестинации на идниот член на Куќата на славните.
Меѓу тимовите кои веќе го искажале својот интерес за 36-годишниот крилен играч се наоѓаат Хјустон Рокетс, Мајами Хит, Минесота Тимбервулвс, Њујорк Никс и Сан Антонио Спарс. И покрај тоа, извештајот наведува дека неодамна во трката се вклучиле и неколку „неочекувани кандидати“.
Дурант, кој во сезоната 2025/26 треба да заработи 54,7 милиони долари, во случај на трансфер ќе биде во позиција да потпише нов двегодишен договор вреден до 112 милиони долари во јули.
