• Иван Димовски
Кошаркарите на Голден Стејт Вориорс славеа во првиот натпревар од полуфиналната серија во НБА лигата против Далас Маверикс со 112-87. Стеф Кари го предводеше својот тим до победата во „Чејс Центар“, оправдувајќи ја фаворитската улога на „воините“ пред своите фанови.
- Голден Стејт Вориорс - Далас Маверикс:
Натпреварот тргна изедначено, Далас имаше минимално водство, кое уште во првиот период го загуби и домаќинот дојде до двоцифрена предност. До полувремето имаше резултатска брканица, гостите се обидуваа да дојдат до егал, но немаа сили за тоа. Голден Стејт со подобра игра во завршницата на втората четвртина поведе пак двоцифрено, а на пауза замина со водство од 54-45.
Отпорот на Маверикси беше скршен по полувремето, бидејќи Вориорси направија прва чувствителна предност. Резултатот се крена за една маргина во третиот период, а за уште една во четвртиот. Голден Стејт на стартот на последните десет минути дојде до највисоките +30, па иако Далас имаше последен налет, загуби во Сан Франциско.
Стеф Кари беше најдобар поединец на паркетот со 21 поен и 12 скока, додека Лука Дончиќ заврши со 20 поени. На Кари му помогнаа Пул и Вигинс со по 19, додека кај Далас се истакна и Динвиди со 17 поени.
