• Саше Љолес
Поранешниот НБА кошаркар и соиграч на Перо Антиќ во Атланта Хоукс, Џеф Тиг, даде интересна изјава поврзана со двете главни ѕвезди на Денвер и Далас, Никола Јокиќ и Лука Дончиќ.
Тиг во еден подкаст изјави дека двајцата се неверојатни играчи, но шеговито рече дека нивните атлетски „способности“ потсетуваат на луѓе кои „пијат алкохол и пушат цигари“.
„Ако ги погледнете Јокиќ и Дончиќ, не оставаат впечаток на вистински кошаркари. Лука изгледа како да пуши цигари и како да пие пиво секој ден. Тука некаде е и Јокиќ. Се работи за двајца играчи кои спаѓаат во најдобрите во лигата.
Навистина е лудо како понекогаш трчаат по теренот, во некои минати времиња тие не би биле дел од НБА, но сепак, двајцата се исклучително интелигентни и повешти од скоро сите играчи во лигата. Не бадијала се меѓу главните кандидати за МВП признанието“, рече Тиг.
Јокиќ и Дончиќ повторно се вистински лидери на своите тимови, а досега сезонава забележаа просек од 28,3 и 29.7 поени по натпревар.
