• Горан Упале
Кошаркарите на Денвер Нагетс одново не поминаа добро на свој терен, бидејќи Индијана ги совлада со резултат 120-125. Наместо да ја подобрат формата пред стартот на плеј-офот, Нагетси редат порази губат. А ниту најдобриот центар на светот не може да го спречи тоа.
Никола Јокиќ имаше маестрална партија, посебно во првото полувреме. За тоа време постигна 29 поени, девет асистенции и шест скока, нешто што му успеало само на Дончиќ во историјата на НБА лигата. Сепак, во останатите две четвртини постигна само 12 поени, а не беше на висината на задачата кога беше најпотребно.
Тоа не значи дека овој пораз оди во сметка на Јокиќ, кој натпреварот го заврши со нов „трипл-дабл“ од 41 поен, 15 скока и 13 асистенции за дури 39 минути минати на паркетот. Иако тимот претрпе пораз, Кристијан Браун имаше учинок на кариерата, постигнувајќи 30 поени со само четири промашувања од поле.
Во триумфот најмногу се истакна Мајлс Тарнер со 24 поени и три блокади, додека Оби Топин во својот втор натпревар како стартер постигна 22 поени.
Голема битка се водеше во „Чејс Центарот“, каде Хјустон успеа да го совлада Голден Стејт со резултат 106-96, со што на противникот му ја прекина серијата од четири последователни победи. Овој резултат особено му се допадна на Денвер, затоа што Голден Стејт ќе го престигнеше доколку славеше на овој натпревар.
Сакраменто Кингс, кој се подготвува за плеј-ин, доби голема самодоверба со триумфот над Кливленд (120-113), и сега е на само една победа од загарантираното прво место на табелата во Источната конференција.
Најголем виновник за шестиот овосезонски пораз на Кливленд на домашен терен беше Зек Лавин, кој постигна 37 поени со седум тројки. Домантас Сабонис заврши со 27, но имаше дури седум загубени топки. Овој натпревар особено ќе го памети Демар Дерозан, кој го престигна Џери Вест (25.192 поени) за 26. место на листата на најдобри стрелци во историјата на лигата.
