• Саше Љолес
Легендарниот Ирвинг „Меџик“ Џонсон зборуваше во еден од многуте НБА подкасти, но овој пат го привлече вниманието со изјавата поврзана со Србинот Никола Јокиќ, за кого рече дека е убедливо најдобар и тука не треба да има сомнежи.
Џонсон е импресиониран од бројките на „Џокерот“ и рече дека е неверојатно како ги замолкнува сите кои секоја сезона очекуваат да падне во формата.
„Од еден сјаен додавач и шутер кон друг, ќе кажам дека Јокиќ е убедливо најдобар во светот. Тука немам никаков сомнеж. Неговата кошаркарска интелигенција импресионира, има дарба прелесно да ги чита противниците и точно знае кои се нивните слабости.
Постојано делува дека е вон ритам, но игра со својата брзина, слично како Крис Малин. Не би се осудил да кажам дека е еден од најдобрите на сите времиња, но е на одличен пат да се приближи натаму. Сите очекуваат да му падне формата, но тој ита кон најславното друштво“, изјави „Меџик“.
Ова не е првпат Џонсон да зборува со пофални зборови за Јокиќ, кого во една прилика го нарече „новиот Бог на кошарката“.
