• Горан Упале
Македонскиот кошаркар Андреј Јакимовски го одигра најдобриот натпревар за Колорадо по неговиот трансфер од Стејт Вашингтон. Во победата над Кал Стејт Фулертон нашиот ас постигна 17 поени, од кои дури пет тројки и беше еден од најзаслужните за високата победа на својот тим.
По средбата Јакимовски не го криеше задоволството за добрата игра, но потенцира дека овој успех е на целиот тим.
„Мојот главен фокус е на одбраната, скоковите и грижата за топката, а потоа доаѓаат прецизните шутеви. Мислам дека на овој натпревар сè направив добро. Исто така, моите соиграчи беа одлични што ме наоѓаа во вистински момент, кога бев слободен. Навистина добро ја движевме топката. Имавме 22 асистенции и 30 поени од поле, што е прекрасно“, рече нашиот кошаркар.
Јакимовски и Колорадо останаа со максимален ефект од три победи од исто толку натпревари.