• Зоран Мишевски
Јам Мадар во контроверзен трансфер пристигна од Партизан во Фенербахче во текот на претходното лето. Како резултат на овој трансфер дојде до прекин на соработката меѓу Партизан и менаџерот на Мадар, Мишко Ражнатовиќ, а самиот Израелец е на мета на навивачите на „црно-белите“.
Сепак, на крајот од оваа сезона неговата судбина е неизвесна, бидејќи постои можност да го напушти клубот од Истанбул. Причината е што не покажа дека се вклопува во овој тим на Шарунас Јасикевичиус. Мадар на 26 натпреари имаше просек од 4,7 поени и 2 асистенции, а на последните четири натпревари во Евролигата постигна само два поени. Фенербахче размислува да донесе играч како замена, а сега на пазарот се појави и Рокас Јокубаитис, кошаркар кој е член на Барселона и кој дефинитивно го напушта овој клуб.
Јокубаитис е млад кошаркар, а покрај Фенербахче за неговиот потпис се споменува и Жалгирис.
