• Саше Љолес
Младиот кошаркар на Париз Баскет, Надир Хифи, испиша историја во Евролигата откако постави нов рекорд по вкупен број постигнати поени во една сезона.
Хифи стигна до бројката од 699 поени, со што ги надмина досегашните лидери, Кендрик Нан и Карсен Едвардс. Овој подвиг е уште поимпресивен ако се земе предвид возраста на Хифи (23 години) и фактот што станува збор за негово прво вакво големо истакнување на највисоко европско ниво.
Со својата константност, офанзивна разноврсност и способност да преземе одговорност во клучните моменти, тој стана еден од најзабележителните играчи во натпреварувањето.
Неговите настапи не останаа незабележани, па сè погласни се шпекулациите дека наскоро би можел да направи чекор напред во кариерата, вклучително и евентуален трансфер во НБА.
Со ваква сезона зад себе, јасно е дека Хифи веќе не е само талент во подем, туку играч кој сериозно ја обележува европската кошарка. Во елитното натпреварување сезонава просечно бележи 18,9 поени и 3,9 асистенции по натпревар.
