• Горан Упале
Кошаркарите на Лос Анџелес Лејкерс се првите освојувачи на НБА Купот во историјата. Во финалето што се одржа во Лас Вегас, Лејкерси ја победија Индијана со 123-109, а секој играч и член на стручниот штаб добија по 500.000 долари, додека првотимците на поразениот тим и сите кои учествуваа во ова натпреварување, ќе инкасираат по 200.000 долари.
Индијана го следеше ритамот на Лејкерси само во втората четвртина која заврши 31:31, додека во сите останати периоди од играта тимот од Лос Анџелес доминираше и си отвораше пат за голема победа. Лејкерси последниот удар на противникот му го зададоа во четвртата четвртина, кога со серија од 13-0 за резултат 102-99 ставија крај на сите дилеми.
Најефикасен поединец на натпреварот беше Ентони Дејвис со 41 постигнат поен и 20 скока, од кои 15 под сопствениот кош, додека Леброн Џејмс имаше учинок од 24 поени и 11 украдени топки.
LeBron James is the first-ever NBA In-Season Tournament MVP! pic.twitter.com/VVqIR75EIP
— NBA (@NBA) December 10, 2023
На крајот „кралот“ беше прогласен и за најкорисен играч (МВП) на новоформираното натпреварување и со тоа докажа дека навистина е еден од најдобрите играчи во историјата на кошарката. Во редовите на Индијана, Тајрис Халибартон и Бенедикт Матурин беа најдобри, со по 20 постигнати поени.
