• Саше Љолес
Кошаркарската репрезентација на Исланд приреди вистинско изненадување со големиот пресврт и победата над Литванија во драматичен квалификациски натпревар што се решаваше во самиот финиш, односно во последната секунда. (86-85).
Литванците подобро го отворија мечот и во текот на првото полувреме имаа контрола на резултатот, користејќи ја својата предност под кошевите и искуството во ротацијата. На паузата заминаа со солидна предност и изгледаше дека сигурно чекорат кон победа.
Сепак, Исланѓаните во вториот дел излегоа многу поагресивно во одбраната, го забрзаа ритамот и почнаа да погодуваат од дистанца. Клучниот момент се случи во последната четвртина, кога серија од неколку врзани тројки целосно ја стопи разликата и ја префрли психолошката предност на нивна страна. Колку за да биде посликовито, Литванија имаше предност од дури 21 поен на седум минути до крајот (56-77).
Во неизвесната завршница, Исланд одигра дисциплинирано, го искористи својот моментум и на крајот успеа да дојде до заслужен триумф во последната секунда! Најдобар поединец и херој на мечот беше Елвар Фридриксон, кој постигна дури 34 поени, вклучително и оние што го решија победникот во последната секунда од мечот.
Оваа победа претставува еден од најзначајните резултати за Исланд во последниот период и силен сигнал дека тимот може да биде сериозен конкурент во продолжението од квалификациите за Европското првенство.
