• Горан Упале
Илјадници фанови ја пречекаа германската кошаркарска репрезентација денес во Франкфурт, откако „панцирите“ синоќа ја освоија титулата на Европското првенство. Германците славеа над Турција со 88-83 во финалето на Евробаскетот во Рига, станувајќи европски шампион по втор пат во историјата.
Во Франкфурт беше одржан прием пред зградата на главниот спонзор на тимот, а фановите ги поздравија германските кошаркари со стоечки овации. Германските медиуми објавија дека во центарот на вниманието бил капитенот на кошаркарската репрезентација Денис Шрудер, кој денес го слави својот 32-ри роденден.
„Ви благодарам на сите што сте тука. Бронза на Европското првенство во 2022 година, злато на Светското првенство во 2023 година, четврто место на Олимписките игри во 2024 година, а сега и титула на Европското првенство. Ова е огромен успех“, рече Шредер, кој доби овации од навивачите.
Шрудер беше прогласен за најкорисен играч (МВП) на првенството.
