• Зоран Мишевски
На Светското првенство во 2019 година, а исто така и на Евробаскетот во 2022 година, Литванија се соочи со тешка ждрепка и не успеа да се пласира во четвртфиналето. Сега, тие се јасни фаворити за да се пласираат не само во првата „осумка“, туку и понатаму...
Литванија не успеа да стигне до четвртфиналето во Кина, а три години подоцна, нивната кампања за Евробаскетот, започна бавно. Момент што никогаш не им дозволи да се вратат на вистинскиот пат и да се вратат назад, во „лов на медали“.
Не заборавајте дека Словенија и Лука Дончиќ ги одушевија преполните трибини на Олимпискиот квалификациски турнир во Литванија во 2021 година, што значи дека има многу разочарувања за една од најголемите кошаркарски нации во светот. Патот „назад“ кон врвот, започнува со Црна Гора, Мексико и Египет во групата Д.
Доколку Литванија е фаворит, а Египет е аутсајдерот, тогаш клучна игра би била првиот натпревар од првиот натпреварувачки ден во оваа група. Тогаш Црна Гора ќе го пречека Мексико. И победникот може да остане „жив“ и да се бори за првото место, додека поразениот треба да „се искачи на планина“ за да има шанса да стигне до втората рунда.
Црна Гора добива се повеќе и повеќе искуства со големи настани, но внимавајте на Мексико. Имаа квалификации за паметење. Ги поразија Соединетите американски држави, и тоа три пати во последните пет години, па ако ги видиме во „завршните 16“, тоа воопшто не би било изненадување.
