• Саше Љолес
Екипата на Панатиниакос долго се мачеше да го скрши отпорот на последнопласираниот тим во Евролигата, Алба Берлин, но на крајот успеа да извојува победа со конечен резултат 91-81.
Натпреварот од триесеттото коло започна солидно за „детелинките“ од Атина, кои на паузата водеа со 46-35, но Алба во второто полувреме возврати со солидна игра и покажа дека има квалитет во својот ростер.
Германците ја добија третата делница со 20-29, а во последните десет минути долго се држеа на мала негатива и беа во игра за големо изненадување. Сепак, актуелниот европски шампион со своето искуство не дозволи срам пред своите гледачи, а на крајот најефикасен играч беше Џеријан Грант со 19 поени. Еден помалку постигна Кендрик Нан.
