• Горан Упале
Оклахома Сити Тандерс забележа убедлив триумф над Голден Стејт Вориорс (124-112) во еден од највозбудливите натпревари на вечерта во НБА. Тандерси се коцкаа, испуштија +22, и успеаја да ги совладаат своите ривали благодарение на серијата од 8-1 во клучните моменти од последната четвртина. Оклахома е прва на Западот со скор од 21-1, додека Голден Стејт е осми со учинок од 11-11.
Шеј Гилџис-Александар беше најефикасен со 38 поени и четири асистенции. Џејлен Вилијамс го следеше со 22 поени и шест асистенции, додека Чет Холмгрен имаше 21 поен и осум скока. На другата страна, Брендон Позџиемски имаше 17 поени, четири скока и четири асистенции, Патрик Спенсер 17 поени и шест асистенции, а Сет Кари 14 поени.
Луд натпревар одиграа екипите на Њу Орлеанс Пеликанс и Минесота Тимбервулвс, на кој победа извојува домашниот тим дури по продолжението, со резултат од 149-142.
Ентони Едвардс беше херојот на „волците“, прво постигнувајќи поени на 2,3 секунди до крајот на регуларното време, а потоа во дополнителните пет минути делеше асистенции и беше еден од најзаслужните за триумфот на Минесота.
Тој го заврши натпреварот со 44 поени, пет скока и четири асистенции, а Руди Гобер го следеше со 26 поени и 13 скока. Најдобри играчи кај поразениот тим беа Треј Марфи со 33 поени и 15 скока, Садик Беј со 22 поени и шест скока и Џеремаја Ферт постигна 21, со пет асистенции. Минесота има три победи и го држи шестото место на Западот со скор од 13-8, додека Пеликанс се последни со учинок од 3-19.
Еден од дерби дуелите на Истокот го одиграа екипите на Бостон и Њујорк, а победата му припадна на домашниот тим – 123-117.
Двоцифреното водство во првото полувреме не беше доволно за Никси, а во четвртата четвртина имаа дефицит од дури 18 поени и немаше враќање. Џејлен Браун беше најефикасен со 42 поени, четири скока и четири асистенции, а Дерик Вајт имаше 22 поени и пет асистенции.
Кај Никси, Микал Бриџис имаше 35 поени и шест скока, а Карл-Ентони Таунс додаде 29 поени, со седум скока. Њујорк е четврти со скор од 13-7, додека Бостон е осми со учинок од 12-9.
