Германија

Како што веќе се шпекулираше, Андреа Тринкиери ќе седне на клупата од Баерн Минхен. Италијанецот кој во минатата сезона го водеше Партизан, ќе се врати во Германија каде претходно седеше на клупата од Бамберг. 

Како што сега стојат работите, поизвесно е дека елитната германска кошаркарска лига ќе биде завршена на терен. Менаџментот на најдобрата Бундеслига донесе одлука, натпреварувањето да биде завршено на терен. Односно на еден завршен турнир на кој ќе играат десетте најдобропласирани тимови до моментот кога сезоната беше прекината.

По неколку американски засилувања, бундеслигашкиот шампион Баерн Минхен предводен од црногорскиот стручњак Дејан Радоњиќ доведе ново име и тоа од италијанската Серија А. 23-годишниот потенцијален репрезентативец на „аѕурите“ Диего Флакадари по пет сезони минато во Тренто за првпат ќе игра во интернационален клуб.

Македонскиот кошаркарски репрезентативец, Војдан Стојановски, во следната година ќе има нов клуб, откако денес се раздели со германскиот бунделигаш Олденбург. Оваа информација попладнево ја објави самиот клуб, кој најави дека за краток период ќе ја официјализира замената за нашиот кошаркар. 

Екипата на Баерн Минхен се наоѓа на победа до титула во Бундеслигата, затоа што во финалната серија вторпат ја совлада Алба Берлин (77-82) и на свој терен ќе има прва шанса да му се радува на трофејот.