ФИБА ги одреди саатниците за августовскиот „балон“ од претквалификациите во Скопје

Натпреварите за пласман во главниот дел од квалификациите за Светскиот Куп 2023 година, нашата машка сениорска репрезентација ќе ги игра на свој терен во Скопје. Светската кошаркарска федерација (ФИБА) одлучи мечевите во салата на СЦ „Јане Сандански“ ќе се играат со почеток од 19:00 часот.

Според претходно одредениот календар, претквалификациите ќе ги стартуваме на 12 август, против селекцијата на Швајцарија.

Два дена подоцна, на 14 август, сениорите ќе ги одмерат силите и со селекцијата на Словачка. На 16 август, го играме вториот натпревар против репрезентцијата на Швајцарија, а на 18 август, турнирот го затвораме со дуелот против Словачка.

Првопласираните две селекции од групата Ф ќе се пласираат во квалификацискиот сегмент за Мундобаскетот во 2023 година.