• Горан Упале
Кошаркарите на Феникс Санс со победа ја стартуваа новата сезона во НБА лигата, откако по продолжение го совладаа Лос Анџелес Клиперс со 116-113 во највозбудливиот натпревар на вечерта во најсилната лига во светот.
Победата на Феникс ја обезбеди Јусуф Нуркиќ со поени од линијата за слободни фрлања на крајот од натпреварот, а најдобар поединец беше првата ѕвезда Кевин Дурант со 25 поени. Кај поразениот тим најпрецизен беше Харедн со 29 поени, а 21 запиша Зубац.
Кошаркарите на Милвоки Бакс на крилјата на тандемот Лилард-Јанис Адетокумбо извојуваа убедлива победа над Филаделфија со 124-109.
Демиен Лилард со 30 поени, 9 скока и 6 асистенции беше најпрецизен на паркетот, а грчкиот ас натпреварот го заврши со 25 поени, 14 скока и 7 асистенции. Во тимот на Филаделфија, во кој ги немаше Џоел Ембид и Пол Џорџ, најефикасен беше Тајрис Макси со 25 поени, а Кели Оубре постигна 21 поен.
Стартна победа забележа и Голден Стејт Вориорс над Портланд со 139-104. Стеф Кари постигна скромни за него 17 поени, но имаше 10 асистенции и 9 скока.
Најефикасен кај Вориорси беше Бади Хилд со 22, додека Ендрју Вигинс додаде 20. Скот Хендерсон ги предводеше Блејзерси со 22 поени.
