• Зоран Мишевски
Прволигаш Борец Баскет Велес информираше дека нивниот кошаркар Дерик Елис Јуниор по натпреварот од 14. коло ќе го напушти клубот и ќе се врати во Соединетите Американски Држави.
Како што соопштуваат од клубот, причината за заминувањето се процедурални и административни ограничувања, поради кои Елис Јуниор не е во можност да го продолжи својот престој и настап во Македонија. Со тоа, Борец останува без своето прво странско засилување, кое во изминатиот период даде значаен придонес во играта на „црвено-белите“.
Натпреварот од 14. коло ќе има и посебна емоционална димензија, бидејќи ќе биде последен настап на Елис Јуниор во дресот на Борец пред велешката публика. Во клубот веруваат дека поддршката од навивачите ќе биде најдобриот начин за достојно збогување и уште еден доказ за спортскиот дух на Велес.
