• Саше Љолес
Поранешниот селектор на Франција, Венсан Коле, даде интересна изјава во која се осврна на ѕвездата на Филаделфија 76ерс, Џоел Ембид, за кој рече дека му е драго што не заиграл за „триколорите“.
Ембид можеше да бира дали ќе игра за Франција или за Соединетите Американски Држави, а потоа реши да стане дел од новиот „дрим-тим“ кој потоа го освои златниот медал на Олимписките игри во Париз.
„Мене ми е драго што Ембид реши да игра за САД, мислам дека воопшто не ни беше потребен во тимот. Имаме одлични играчи на центарските позиции и знаев дека нема да сака да игра за нас.
Без разлика на неговата одлука, ние стигнавме до финалето на Олимписките игри. Таму се соочивме со најсилниот ривал на планетата и епилогот не можеше да биде поинаков, иако во голем дел од мечот пруживме добар отпор“, рече Коле.
Франција беше поразена во финалето од Соединетите Американски Држави со 98-87.
