• Горан Упале
Екипата на Чикаго Булс со поените на Донсума во последната секунда ја совлада Атланта Хокс на гости со 110-108 во еден од највозбудливите НБА дуели одиграни ноќта меѓу средата и четвртокот.
Домаќините на пет минути до крајот имаа осум поени предност 100-92 и се чинеше дека рутински ќе дојдат до ново славје. Сепак, гостите не се предадоа и се играше неизвесна завршница. Оконгву на пет секунди пред крајот израмни на 108-108 и Чикаго тргна во напад. ДеРозан не реализира, но Донсуму беше на вистинското место, ја собра топката и ја смести во кошот за триумф.
Во победничкиот тим ДеРозан застана на 28, а Лавин на 22 поени. За домашниот тим најефикасен беше Тре Јанг со 34, додека Оконгву имаше „дабл-дабл“ учинок со 18 поени и 11 скока.
Лука Дончиќ беше блиску до својот седми „трипл-дабл“ сезонава. Во победата на Далас над Минесота 104-99, словенечкиот ас забележа 25 поени, девет скока и десет асистенции. „Волците“ успеаја да го запрат во последниот дел, но Динвиди и Хардавеј се разиграа и Мавси стигнаа до триумфот. За поразениот тим Едвардс постигна 23, додека Руди Гобер натпреварот го заврши со 19 поени и 15 скока.
Кошаркарите на Бруклин Нетс го врзаа седмиот триумф, откако го декласираа актуелниот шампион Голден Стејт со 143-113. Сè беше решено во првото полувреме кое го добија со неверојатни 91-51. Дурант застана на 23 поени, а Вајсман постигна 30 поени за гостите.
Екипата на Хјустон на домашен терен го положи оружјето пред разиграниот тим на Орландо Меџик (116-110). Херој на вечерта е Паскал Сијакам, кој со рекорд во кариерата од 52 поени беше најзаслужен за триумфот на Торонто од 113-106 во „Медисон Сквер Гарден“ против Њујорк Никс.
