• Горан Упале
Веќе извесно време во НБА круговите се зборува за можноста Лука Дончиќ да премине во редовите на Лос Анџелес Лејкерс.
Големо прашање е колку е тоа реално, бидејќи тој има многу богат и сигурен договор со Далас Маверикс. Но, ако го прашате седумкратниот шампион и поранешен „езерџија“, Роберт Хори, тоа никогаш не треба да се случи.
„Колку години ќе има кога ќе му истече договорот - 31, 32? Дури и сега не е меѓу најдобрите одбранбени играчи во лигата, а тоа е проблем за Лејкерси. Тие мора да доведат атлетски играчи кои играат добра одбрана. Лука не е такпв. Тој може да погоди од која било позиција, но прво некој мора прво да му го тргне пивото од рацете, бидејќи тој не е тип на човек кој може да остане во форма. Таков не му треба на Лос Љнџелес Лејкерс“, рече Хори.
Дончиќ минатата сезона имаше просек од 33,9 поени, 9,2 скока и 9,8 асистенции по натпревар.
