• Горан Упале
Екипата на Олимпија Милано забележа тесна победа во 19. коло од италијанската Серија А, откако на гости кај Сасари славеше со 72-78.
Миланезите со многу осцилации одиграа доволно за нов триумф во националниот шампионат. Сасари се закани со краткотраен пресврт во четвртата четвртина, но италијанскиот евролигаш повторно го зголеми темпото и рутински победи.
Победничкиот тим рамномерно го распредели поентерскиот учинок, a најдобар на паркетот беше Ненад Димитријевиќ.
Македонскиот репрезентативец забележа 15 поени, 9 скока и 2 асистенции, а Леандро Болмаро и Зек Ледеј постигнаа по 14 поени. За Сасари Миралем Халиловиќ запиша 9 поени, 4 скока и 1 асистенција.
