• Горан Упале
Уште една фантастична вечер за Никола Јокиќ во НБА лигата. Српскиот ас одново блесна во дресот на Денвер Нагетс, кој по продолжението славеше над Бруклин Нетс со 139-144.
Ова беше втора победа во низа за Денвер, а конечно Јокиќ можеше да се потпре на соиграчите кои не го следеа на претходните натпревари. Џамал Мареј и Арон Гордон постигнаа по 24 поени, додека Расел Вестбрук постигна 22 поени. „Џокерот“ натпреварот го заврши со 29 поени, 18 скока и 16 асистенции.
Инаку, Јокиќ со овој „трипл-дабл“ стана само вториот играч кој остварил учинок од плус 29 поени, 18 скока и 16 асистенции. Во тимот на Бруклин најефикасен беше Денис Шрудер со 28 поени и 14 асистенции, додека Кам Томас мечот го заврши со 26 поени.
На крилата на Лука Дончиќ, Далас победи на гости кај Минесота со 114-120. Словенечкиот претставник за 40 минути постигна 24 поени заедно со осум скока и девет асистенции. Подобар учинок од него имаше само Кари Ирвинг, кој за 39 минути постигна 35 поени, четири скока и пет асистенции.
На другата страна Едвардс постигна 37 поени, додека Рендл запиша 20.
