ВИДЕО: Дејвис ја забавуваше публиката со три атрактивни забивања

Кошаркарите на МЗТ Скопје повторно поведоа во финалната серија во Првата лига на Македонија против Пелистер, откако славеа во третиот натпревар со 86-62. Битолчани премногу грешеа, а тоа го казни шампионот кој дојде до убедлива победа. 

Еден од најрасположените на паркетот беше Хуан Дејвис. Американскиот центар уфрли 14 поени во кошот на Пелистер, а ја забавуваше и публиката. Дејвис во три наврати при контра напади изведе атрактивни забивања кои предизвикаа одушевување на аеродромци. 

  • Трите забивања на Хуан Дејвис: 

Пелистер мора да победи на следниот натпревар во Битола кој е закажан за в петок во 19:00 часот во салата „Боро Чурлевски“.